Öll mæliblöð komin

Við erum búin að fá í hendur öll mæliblöð, þ.e. mæli- og hæðarblöð. Ég er búin að senda á arkitektinn og svo er bara að bíða eftir viðbrögðum frá honum. Hann sagðist geta byrjað uppúr miðjum mánuði, ég vona að það dragist ekki mikið.

Hittum arkitektinn

Nú erum við búin að hitta arkitektinn í fyrsta sinn. Hann kom hingað og hitti okkur mömmu. Ég sýndi honum hugmyndirnar sem ég hafði og punkta sem ég var búin að skrifa niður. Hann tók þetta allt og svo þarf ég að senda honum mæli- og hæðarblöð. Hann sagðist ekki búast við að geta byrjað neitt á þessu fyrr en um miðjan apríl, en það er alla vega eitthvað farið í gang.

Mæliblöðin komin!

Mæliblöðin komu loksins í vikunni! Mikið var ég glöð. Byggingarreiturinn okkar er 16,5 m x 17,5 m og er það akkúrat eins og ég var að vonast eftir. Núna er bara að hitta arkitektinn í vikunni og fá hann til að byrja vinnuna. Ég skelli hérna inn grunnmynd af efri hæðinni. Hugmynd sem ég er búin að vera með í kollinum í svolítinn tíma.

Myndir

Hérna eru myndir af svæðinu:

1. myndin er eiginlega akkúrat þar sem húsið okkar kemur til með að standa.

Næsta mynd er séð út Úlfarsárdalinn. Þar sjáum við eftir Reynisvatnsvegi og húsið okkar myndi vera alveg beint hægra megin við þar sem ég stend þegar ég tek myndina.

Á þriðju og síðastu myndinni sjáum við hverfið á Úlfarsfelli, þar sem uppbygging er hafin.

Mæliblöð

Nú bíðum við eftir mæliblöðum sem áttu að koma í byrjun febrúar. Enn hefur ekkert komið, en vonandi líður ekki á löngu þangað til eitthvað gerist. Nú þarf ég að fara að drattast til að taka myndirnar af myndavélinni og pósta myndum af svæðinu.

Jæks!

Við fengum lóð! Í dag fór lóðaval fram í Reykjavík og þó að við værum númer 22 á biðlista kom samt að okkur. Ég valdi Döllugötu 5, þar sem hún var ein þriggja sem voru eftir. Döllugata 3 fór á eftir mér og Döllugata 7 fór ekki út. Þá er bara að bíða. Væntanlega afhending á lóð er í nóvember á næsta ári!!

Reynisvatnsás

Jæja, á morgun rennur út fresturinn til að skila inn gögnum. Við skiluðum inn á föstudag. Valið fer svo fram á miðvikudaginn í næstu viku (8 dagar). Nú er bara að krossa fingur og vona það besta.